Repetitio: Utilitaryanismo at Kristiyanismo

Mula sa balangkas ni Jone Rara

I.                   Pagkumpara sa teorya ni Kant at sa teorya ng Utilitaryanismo

A.    Para kay Kant, dapat munang suriin ang maxim na pinanggagalingan ng kilos. Kung nanaisin mong sundan ng lahat ang kilos na ito, ito ay moral.

B.     Mas tinitingnan ng utilitaryanismo ang resulta ng kilos kaysa sa kilos mismo. Ito ay may pamantayang a posteriori.

1.      Ang moralidad ng kilos ay nasusukat sa kakayahang maghatid ng kaluguran sa nakararami. Halimbawa si Robin Hood. Sumasang-ayon ang turo ng Utilitaryanismo sa kilos ni Robin Hood dahil nagdadala siya ng kaluguran sa mahirap, sa marami.

II.                Ang Utilitaryanismo sa panahon ni John Stuart Mill

A.    May mga naniniwalang dapat tumuon sa kaluguran ng mas nakararami lamang ngunit ayon kay Mill, dapat ding pag-isipan ang mga hindi kasama sa nakararami at nakararanas ng sakit.

1.Maaaring gamitin ang ideyang ito sa pag-iisip tungkol sa kaluguran ng hayop. Prayoridad pa rin ang tao, ngunit kung kakayanin, dapat isipin din ang kaluguran ng hayop.

2.Halimbawa, ang dahas laban sa droga ng kasalukuyang administrasyon. May mga utilitaryang sasang-ayon dito at may ibang magsasabing dapat isipin din ang mga nasasaktan nito.

B.     Hindi madali gamitin ang teorya. Kailangang pag-aralan ng mabuti ang kilos.

1.  Hindi sapat na gustuhin o akalain lamang ang resultang makabubuti sa nakararami. Kailangang makamit ang resultang ito.

a.       Mas mabuti ang kilos na walang layunin pero may mabuting resulta kaysa sa kilos na may mabuting layunin pero may masamang resulta.

2.  Ang epekto ng kilos ay maaaring malawak at tatagal sa mahabang panahon.

III.             Kristiyanismo at Utilitaryanismo

A.    Magkasundo ang dalawang ito dahil ang mga gawain ng personal na sakripisyong ginagalang sa Kristiyanong kultura ay makikita rin sa Utilitaryanismo.

1.Ang halaga ng mga kilos na ito ay kinukuha sa kanilang pagtataguyod ng kasiyahan ng marami kahit ito’y nagbabawas sa kasiyahan ng indibidwal.

IV.             Panloob at panlabas na pagpigil

A.    Hindi tayo obligadong sumunod sa mga panlabas na pagpigil.

1.Alam naman na masama ang droga ngunit ginagamit pa rin ito ng ibang tao.

Ang ating panloob napagpigil o mga paninindigan ang ating sinusundan at nagpapatupad ng prinsipyo ng utilidad.