Repetitio ukol sa Tungkulin at Kautusan

Mula sa balangkas ni Gian Aleta:

Mga Etikal na proposisyon ni Kant.

1. Ang mga naituturing na mabubuting bagay tulad ng kalusugan, yaman at pakikipag-kaibigan ay maituturing lamang na mabuti kung kaakibat nito ang mabuting kalooban.
2. Ang mabuting kalooban ay hindi mabuti dahil nakakakuha ito ng magandang resulta. Kahit hindi maging mabuti ang kahihinatnan nito, ang mabuting kalooban ay mas mabuti pa rin kaysa sa mga bagay na nakamit gamit ang mga imoral na kilos.
3. Ipinapakita ng karanasan na ang katwiran ay isang di maasahang instrumento sa pagkakamit ng kasiyahan.
4. Ang isang may mabuting kalooban ay kumikilos alang-alang sa tungkulin at hindi dahil gusto niya ito.
5. Ang mga altruistikong kilos na nanggagaling sa damdamin ng pakikisalamuha ay nararapat na purihin at bigyan ng paghihikayat, ngunit hindi sila masasabing may moral na halaga.
6. Ang mga panukalang etikal ni Kant.
1. Unang panukalang etikal- Ang kilos ay dapat gawin mula sa tungkulin para ito ay magkaroon ng panloob na moral na halaga.
2. Pangalawang panukalang etikal- Ang kilos na nagawa mula sa tungkulin ay nakakukuha ng moral na halaga hindi mula sa mga resulta nito, kundi sa mga kalooban mismong gumawa nito.
7. Ang tamang moral na kilos ay ginagawa lamang alang-alang sa paggalang sa batas. Dito rin kinukuha ang moral na halaga nito (depinisyon ng tunkulin ayon kay Kant).
8. Kailangan sundin ng maakatwiran at malayang tao ang kautusang walang pasubali.
9. Pagkakaiba sa pagitan ng kautusang walang pasubali at ng kautusang kundisyunal.
1. Kautusang walang pasubali= Ang pagsunod sa maxim at pagloloob na gawin din ito ng iba ay ginagawa dahil sa moral na halaga nito.
2. Kautusang kundisyunal= Nagbibigay payo sa mainam na dapat gawin kung may isang layunin na kailangang maabot.
10. Ang kautusang walang pasubali ay may dalawang bahagi.
1. Una, kailangan ang mga maxim para sa moral na kilos ay magawang unibersal na walang lohikal na kontradiksyon.
2. Pangalawa, ang unibersal na direktibo para sa kilos ay hindi dapat magdala ng kalooban sa disharmoniya (mga kilos na maka-sarili).
11. Irespeto ang lahat ng tao bilang mga layunin at hindi mga pamamaraan.
12. Ang lahat ng kilos na hindi magagawang pangkalahatan nang walang kontradiksyon ay hindi maituturing na tugma sa ideya na ang sangkatauhan ay mga layunin at hindi mga pamamaraan lamang.
13. Ayon kay Kant, ang tunay na moral na pilosopiya ay hindi dapat madudungisan ng mga konsiderasyong empirikal o mga panlabas na elemento.